BU dipyn o gyffro yn Amgueddfa Dinbych dros y bythefnos ddiwethaf wrth i’r arddangosfa diweddaraf agor yno, ac wrth i’r newyddion ledaenu ar draws y byd drwy’r rhwydweithiau cymdeithasol.
Stori’r diweddar Tom (Maldwyn) Pryce sydd bellach yn hawlio prif ofod yr amgueddfa tan ddechrau mis Hydref.
Gwelir yno hanesion am hogyn lleol, yr unig Gymro i yrru yn y Fformiwla 1, a fuodd yn ddisgybl yn Ysgol Frongoch (lle saif yr amgueddfa heddiw) ac yn Ysgol Nantglyn.
Breuddwyd Ronwy Rogers, cyfaill i Jack Pryce (tad Tom), oedd sicrhau bod arddangosfa am Tom yn cael ei chynnal, a phan ddaeth y cyfle, aethpwyd ati i gydweithio â rhai o wirfoddolwyr yr amgueddfa i wireddu’r freuddwyd.
Mae’r arddangosfa ar agor bob prynhawn Llun a Iau tan ddechrau Hydref, ac ar gais i grwpiau ar adegau eraill.
Bydd hefyd ar agor ar ddydd Sadwrn a Sul, Medi 29-30 ar gyfer penwythnos Drysau Agored Dinbych.
Mae’r amgueddfa yn cael ei rhedeg gan wirfoddolwyr.
Mae mynediad a pharcio am ddim, ac fe croesewir cyfraniadau.
Ewch i dudalen Facebook Amgueddfa Dinbych neu Twitter @Denbigh_Museum am y newyddion diweddaraf.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here